المدونات.. هى مواقع شخصية سهلة الاستخدام ولا تطلب معرفة كبيرة بتصميم الصفحات وادارة المواقع، فهى مدعمة بتصميمات جاهزة أما ادراتها فهو امر سهل مثل سهولة التعامل مع البريد الإلكترونى.. بالإضافة إلى انها مجانية
هناك العديد من المواقع التى تقدم خدمات التدوين، فعلى سبيل المثال لا الحصر
و حشرح أنا باءذن الله كيفية انشاء مدونة على بلوج سوم
بلوج سوم مبنى على نظام ورد برس و ده نظام ادارة محتوى متقدم و ملىء بالمزايا و تعمل به كثير مواقع الاستضافة مثل
الفروق بين المواقع دى صغيرة يعنى الشرح هنا حيمشى بنسبة 90% على اى موقع بيستخدم وردبرس
ما علينا، خلينا فبلوج سوم وهو ما يستضيف مدونتى ارتبـــــــــاك و الكثير من المدونات الاخرى. والآن استعد وفتح دماغك وركز فانت على وشك الدخول لعالم التدوين؛ من اوسع أبوابه يا بشر
اضغط على الصور لتشاهد الصورة بحجمها الاصلي
خطوات إنشاء مدونة
إكتب عنوان الموقع فى متصفحك
www.blogsome.com
اكتب عنوان مدونتك اللى عايز تعملها
ثم اضغط على
creat your free blog now
حتروح على الصفحة دى
الايميل لازم يكون صح عشان حيتبعت لك الباسورد عليه
الايميل حيكون شكله كده
انسخ الباسورد اللى جالك فى الايميل و متقلقش من شكله حنغيره دلوقتى حالاً
اكتب عنوان مدونتك اللى عملتها و لتكن
http://blogezay.blogsome.com
خد بالك مفيش
www
فى المدونات بتاعة بلوج سوم العنوان على طول
اما تروح المدونة حيقابلك الشكل الافتراضى للمدونة
مبروك انت دلوقتى فى مدونتك الجديدة
بيبقى فيه موضوع و تعليق محطوطين اوتوماتيك فى المدونة ممكن تمسحهم براحتك بعد كده
اضغط على كلمة
log in
على اليمين تحت .. من هنا حتدخل مدونتك على طول بعد كده
دخل اليوزر نيم بتاعك و الباسورد اللى نسخته من الايميل
طيب نبص بقى على اول حاجة حتقابلها لما ندخل
دى الداش بورد يعنى الصفحة الرئيسية لمالك البلوك
من هنا تعرف تعدل و تعمل اى حاجة انت عايزها
اول حاجة حنعملها حنغير الباسورد الغريبة اللى النظام كان مديهالنا
حنضغط على
Users
حنلاقى الصورة الاتيه
اكتب بياناتك لو عايز و اكتب كلمة السر الجديدة بتاعتك و اضغط على
update profile
كده مبروك عليك المدونة
====================
خلاص دلوقتى انت بقى عندك مدونه بتاعتك بتعرف تدخل عليه
طيب نبص بقى على اول حاجة حتقابلها لما ندخل
Dashboard
لصفحة دى بتخليك تشوف اخر التغييرات فى المدونة زى اخر التعليقات و الصفحات اللى ربطت بيك
Write
من هنا تقدر تكتب مواضيع و صفحات جديدة
Manage
ومن هنا تقدر تعدل اعدادات المدونة زى الثيم و المواضيع و التعليقات القديمة .. تعدلها او تمسحها
links
من هنا تقدر تضيف روابط لمدونات او مواقع تانية بسهولة و من غير اكواد
Users
من هنا تقدر تغير الباسورد و البروفايل بتاعك.. و لو فى اكتر من واحد بيكتب فى المدونة تقدر تنظم و تضيف الناس هنا
Options
لاعدادات العامة للمدونة زى عنوانها ( اللى بيظهر فى الشريط فوق خالص) و نظام التوقيت فيها
Plugins
لبلج انس دى عبارة عن برامج مركبة على نظام ورد برس الاصلى من حقك تعملها تشغلها او توقفها براحتك
Upload
قدر ترفع الصور للمدونة من هنا بس المساحة 30 ميجا بس منصحش حد يستعمله
Logout
تسجيل الخروج
نشرحهم واحدة واحدة
==========
Write
لو ضغطت على
Advanced editing
حتلاقى
الفكرة فى موضوع الـ
Post slug
أن سيرفر بلوج سوم لا يقرأ المسارات باللغة العربية و هو بيحط عنوان التدوينة (العربى) فى معظم الاحيان كمسارها و بالتالى بيعمل مشاكل فى التعليقات و تصفح التدوينة .. فمهم جدا يا جماعة انكوا تكتبو المسار بالانجليزى
اكتب عنوان التدوينة زى ما انت عايز بس متنساش الـ
Post slug
==============
فى حاجة فى ورد برس انا مأخدتش بالى منها لما سجلت و ممكن تعمل مشاكل و الناس متخدش بالها منها اسمها
comment moderation
ممكن الناس تعلق عندك فى المدونة و انت مش اخد بالك
============
جينا للمهم.. تغيير شكل المدونة و اضافة الروابط فى السايد بار
لإضافة روابط فى السايد بار ببساطة روح الى
manage==>linke==>add link
و حط الروابط الجديدةبكل سهولة و ممكن كمان من نفس المكان تحط صور للروابط
طب لو عايز تحط بانر او عداد او اى حاجة من اللى بتشوفها محطوطة فى المدونات فى السايد بار
او نشيل الاعلانات اللى بتنزل توماتيكى فى السايد بار مع بلوج سوم
كده لازم نفهم الموضوع ماشى ازاى فى الاكواد
اولا حنروح على
manage==>themes
الفكره كلها اننا بنختار شكل افتراضى للمدونة و نعدله
متستهونش بالموضوع ده كفاية انك تعرف ان القالب المستخدم فى المدونة دى هو هو نفس القالب المستخدم فى مدونتى ارتـبـــــاك
خلاص اختار القالب اللى يعجبك و بعدين روح على
manage==>files
هنا بقى الملفات بتاعت القالب اللى انت اخترته
Main page
الملف بتاع الصفحة الرئيسية و هو يخص المكونات يعنى لو حتضيف بانر او عداد يبقى من هنا
Site Style Sheet
ده اسمه ملف سى اس اس و هو المختص بخصائص المكونات اللى فى الصفحة الرئيسية زى الالوان و المكان و نوع الخط و اماكن الصور كمان
posting
comments
فى معظم الاحيان مش حتحتاج تعدل فى الملفين دول حاجة
لنفرض دلوقتى اننا عايزين نشيل الإعلان بتاع بلوج سوم من السايد بار
لو بصيت فى ال main page
افضل نازل لغاية متلاقى الكود اللى محطوط بين اتنين
please don’t remove
بص يا سيدى الدنيا ماشية ازاى
اولا لو عايز تمسح الاعلان امسح كل اللى بين القوسين بتوه بليز دونت ريموف
بس انا حشرح حاجة هنا
<ul> ==>ده بداية المربع الكبير
<li>الروابط هنا</li>
<li>الروابط هنا</li>
</ul> ==>دى نهاية المربع
لاحظ انه يمكنك تغيير كلمة
linksالى عبارة مثل مدوناتى المفضلة
وكذلك
archiveالى ارشيف، او عدى وفات .. كده يعنى.. على رأى قدماء المدونين: دلع مدونتك
ببساطة دور على الكلمة فى الملف و غيرها..
تريد أن تنشر صورة ما على السايد بار
صورة فقط بدون ان تكون هى نفسا رابط لصفحة ما
قم بوضع الرابط التالى، والعناصر ذات الخلفية الصفراء عناصر متغيرة
طيب تجيب رابط الصورة ازاى؟ اقولك.. الصورة طبعا على النت.. اضغط بزر الماوس الايمن عليها ثم اضغط على
propertiesسيظهر مربع موجود فيه رابط خذ نسخه منه كوبى بيست.. وخلاص هو دا رابط الصورة
تريد ان تنشر صورة تكون رابط لصفحة اخرى
فمثلا تريد نشر بانر -اعلان مصور - لصفحة اخرى
لو لم تجد اصحاب الاعلان اعدوا لك الرابط جاهزا على أخذه ووضعه فقط فيمكنك فعل ذلك بنفسك
الكود التالى هو كود الصورة التى اذا ضغط عليها دخلت لرابط اخر ، العناصر ذات الخلفية الصفراء عناصر متغيرة
طيب لنفرض انك عايز تحط الرابط ده فى مربع هو و كام رابط كمان فى السايد بار
يبقى الكود بالمنظر ده
<ul><li>روابط جاااامدة:
<ul>
<li><a href="http://bmadvice.blogspot.com/">
<img src="http://img82.imageshack.us/img82/9537/tadban9bi.jpg"></a></li>
<li><a href="http://bmadvice.blogspot.com/">كيف تنشىء مدونة على بلوجر</a></li>
</ul>
</li>
</ul>
و النتيجة بالمنظر ده
اظن الموضوع سهل
ربما تريد اضافة عداد ليحسب لك عدد زوار مدونتك.. وهى من اهم الخدمات المجانية التى يهتم بها المدونون، توجد مواقع كثيرة لتلك الخدمة منها
www.freelogs.com
اما بالنسبة لتعديل واجهة المدونة نفسها فدى لازم يكون عندك على الاقل معرفة سطحية بال
CSS
دلوقتى المفروض انك بتعرف تتعامل مع ورد برس بشوية من الحرية و الفهم … انا مش حقدر اشرح الموضوع كله لانه مش صغير
و حياخد وقت فظيع انا بقول بس المبادىء
و الحاجات اللى تخص بلوج سوم دون غيره من المواقع المعتمده على ورد بريس
لمعرفة المزيد عن ورد بريس
========
أولا: انتشار المدونة والتعريف بها فى المجتمع التدوينى
هناك من يكتب فى التدوين لمجرد الكتابة ولا يهتم بتعريفها للآخرين أو التواصل.. عادى جدا، بتحصل ولكن نادرا، اما أغلب المدونين فهم يجدون فى التواصل والاندماج مع الآخرين والمناقشات الحامية -احيانا- متعة أكبر من مجرد إبداء الراى أو الفضفضة، كيف إذا يعرف عنك المدونون الآخرون ؟
:قم بتسجيل مدونتك فى مجمعات المدونات
مجمع منال وعلاء :خاص بالمدونات المصرية فقط أيا كانت لغة الكتابة فيها- قم بإضافة رابط مدونتك فى صفحة الاشتراك وانتظر عدة أيام ليتم ادراج مدونتك، وبعدها يا فندم ستظهر اى تدوينة جديدة لك فى مجمع المدونات المصرية الأشهر حلقة المدونات المصرية: قم بملىء بيانات الاشتراك هنا
مدونة الشامل: -"تكاد تكون" على رأى اصحابها- وهى تشمل أغلب المدونات التى تكتب باللغة العربية أيا كانت جنسيتها، فقط اترك تعليقا فى احدث تدويناتها وبه رابط مدونتك ، وسيقومون بإضافته بعد ذلك
مجمع تووت: وهو مجمع خاص بالمدونات العربية -القومية وليست اللغة- أى انها تدرج المدونات بأى لغة على ان يكون الذى يكتبها عربى، قم بملىء صفحة الاشتراك
مجمع تدوين: وهو خاص بالمدونات العربية قوميةً ولغةً ، لإضافة مدونتك اتصل بهم هنا
فى حالة ظهور مدونات عربية جديدة سأقوم بإضافتها، وعلى فكرة توجد مجمعات أجنبية كثيرة لكن مكسلة أضيف حاجة منها بصراحة، وكمان مش بتابعها
الخطوة التالية لانتشار مدونتك: وهى خطوة ستحدث بشكل تلقائى نتيجة الفضول البشرى بداخلنا، فسوف تقضى ايامك الأولى وربما شهور فى عالم التدوين وأنت تحاول أن تقرأ لكثير من المدونين، وتتعرف على كتابتهم، وربما تهتم بقراءة أرشيفهم، وسوف تجد نفسك مدفوعا بالتعليق على مايكتبونه -بالطبع لأنه يستحق، ومع ذلك فسوف يعرفونك من خلال تعليقاتك وسيهتمون بمعرفة الوافد الجديد، ومع الوقت سوف تقتصر تصفحاتك للمدونات التى تفضلها دائما وبالطبع مراجعة المجمعات لقراءة عناوين ومقتطفات للآخرين ربما تجذبك تدوينة لتكملة قرائتها وهكذا
14:42
غير معرف
